Seguro que te estás preguntando que por que nos chamamos os Bloguimortos. É por un libro que limos: “Os Minimortos. Benvido ao outro barrio” de Ledicia Costas. Este libro límolo ao principio do curso durante o Proxecto lector.
O libro trata dun grupo de nenos e nenas que están no “outro barrio” chamados os minimortos. Un día chegou un neno novo ao que non lle gustaba moito estar alí e os Minimortos tratan de axudalo para que regrese á vida e que se reencontre cos seus pais.
O libro gustounos moito polos seguintes motivos:
- Os personaxes son moi orixinais.
- O libro tiña moitos toques graciosos.
- As ilustracións gustáronnos moito porque eran moi creativas.
- Grazas a el aprendimos unha chea de palabras novas (fedellos, prosma, parabéns, xanelas, prestar, fío, curuxa, doado, preto, enchente…).
Por todas estas razóns, o título do libro inspirounos para poñerlle o nome a este blog.
Ademais, cada un de nós creamos un minimorto ou unha minimorta ao noso gusto! Se queres saber algo máis deles, preme en cada un deles:
Comentarios
Publicar un comentario
Grazas polo teu comentario. Deberás esperar a que a profe o lea e lle dea o visto bo. Asegúrate de que non cometeches apenas faltas de ortografía.