"A viaxe de Cuarto" (Proxecto de Vida Activa e Deportiva)

No noso cole queremos estar sans, así que cada semana saímos a correr un ratiño para aumentar a nosa resistencia, previr a obesidade e outros problemas saúde, e, xa de paso, emprender unha viaxe ata... ata onde cheguemos!

Como empezou todo?

A principios de curso limos un texto sobre a historia do que se coñece como a milla diaria. Se queres saber ti tamén sobre ela, podes ler este documento:  Saber máis sobre a milla diaria.

Como case sempre corremos na pista do patio, o primeiro que fixemos foi tomar medicións para saber cantos metros medía cada lado. Como a pista é un rectángulo, bastaba con medir o lado curto e o lado longo:

Obtivemos os seguintes datos aproximados da pista: 

• Lado longo: 44 metros
• Lado curto: 23 metros 

Despois, calculamos o perímetro do rectángulo: dúas veces o lado longo máis dúas veces o lado curto. Total, 134 metros.

Que facemos cada día? 

Cando saímos correr, levamos a conta das voltas que fai cada un collendo unha peza e botándoa a un cesto. Isto nos sirve de contador global para saber cantas voltas damos ese día entre todos e todas. 

Xa na clase, facemos os cálculos correspondentes para saber o número de metros percorridos. É imprescindible saber multiplicar, claro! 

Pero non só multiplicamos. Tamén sumamos para saber os metros que levamos acumulados ata o momento. Se queres ver o que levamos ata o día de hoxe, preme neste documento: Táboa de rexistro de datos.

Cal é o noso destino?

Queres saber por onde imos na nosa viaxe? Mira este mapa e preme sobre cada localidade para saber algo máis sobre ela:

.

Se atopas algún erro nalgún documento, axúdanos a corrixilo enviando un comentario.