A semana das Letras Galegas (Por Amaya V.G.)

 

Autora: Amaya V.G.

O día das Letras Galegas celébrase en Galiza para homenaxear a un/unha escritor/a galego/a e celébrase o 17 de maio. 

No noso cole celebramos a tope o día das Letras Galegas. 

Primeiro, escoitamos un programa de radio espectacular: nel escoitamos o himno galego que interpretaron os de 6º Ed. Primaria. Aprendimos do escritor Florencio Delgado Gurriarán (naceu o 27 de agosto de 1903). O seu primeiro libro foi "Bebedeira". 

Logo veu unha influencer e youtubeira chamada Isabel Villanueva de "O galego mola". Fixo unha charla moi divertida.

Tamén tivemos unha exposición de instrumentos tradicionais galegos, como a pandeira, a botella de anís, lata de pementón, pandeiro cadrado, sacho, tamboril...

E por último, viñeron uns "rockeiros" que tiñan un grupo chamado "Gramola Gominola" no que había un baixo, guitarra eléctrica, batería e unha cantante que nos cantaron "Campiona internacional" e "A lebre chouteira".

En resumo, esta semana foi incrible celebrando o día das Letras Galegas.